Mövlud Süleymanlının oğlu: "Atam vəsiyyətinə uyğun dəfn ediləcək"

Ötən gün dünyasını dəyişən Xalq yazıçısı Mövlud Süleymanlı bu gün Şamaxıda dəfn olunacaq.

Bu haqda Teleqraf.com-a mərhumun oğlu Elay Süleymanlı məlumat verib: “Atam vəsiyyətinə uyğun Şamaxı rayonunun Kərkənc kəndində dəfn olunacaq. Həmişə bizə deyirdi ki, məni anamın yanında dəfn edərsiniz. Dövlətimiz tərəfindən hər şey edilir, sadəcə vəsiyyətinə uyğun hərəkət etməli olduq. Atam insult keçirmişdi”.

Qeyd edək ki, 1943-cü ildə doğulmuş Mövlud Süleymanlının 81 yaşı vardı.