Ağstafada təmir aparan usta mərmi tapıb - VİDEO

Ağstafada təmir aparan usta mərmi tapıb.

Təhlükəli sursatı Xətai kənd sakini Arif Hüseynovun mənzilində kanalizasiya xətlərini yeniləyən Ərəstun Həsənov aşkarlayıb.

100 ildən çox yaşı olan evin həyətini qazan usta 2 ədəd mərmi görüb. Təhlükəli ola biləcəyini nəzərə alan Ərəstun Həsənov dərhal ev sahibi və qonşuları əraziyə çağırıb.

Ev sahibi bir neçə ay öncə aldığı evdə ruslar yaşadığını bildirib. Əraziyə rayon polis əməkdaşları da baxış keçirib. Arif Hüseynovun həyətindən tapılan mərmilər ANAMA-nın Ağstafa rayonunun Saloğlu qəsəbəsində yerləşən bölməsinin əməkdaşları tərəfindən zərərsizləşdirilməsi üçün ərazidən götürülüb. (Region TV)