Bakıda partlayış və yanğın: 4 nəfər xəsarət aldı

Bakı şəhəri, Binəqədi rayonunda vətəndaşa məxsus ümumi sahəsi 50 kvadrat metr olan birmərtəbəli 2 otaqlı evdə yanğınla nəticələnən partlayış baş verib.

Teleqraf.com-un xəbərinə görə, bu barədə Fövqəladə Hallar Nazirliyinin rəsmi saytı məlumat yayıb.

Nəticədə evin yanar konstruksiyaları və ev əşyaları yanıb, 4 nəfər yanıq xəsarəti alıb. Qonşu evlər yanğından mühafizə olunub.

Yanğın saat 12:29-da yanğınsöndürənlər tərəfindən söndürülüb.