İnsanı boğulmaqdan xilas edən qurğu icad edildi

Ən yaxşı üzgüçü belə suda boğula bilər

. Buna görə "Ploota" startapının tərtibatçıları tərəfindən təqdim edilmiş yeni eyni adlı cihaz istifadəçilərin boğulmasına imkan verməyəcək. Buna oxşar cihazlardan fərqli olaraq, "Ploota" təhlükəsizlik yastıqlarını boyun səviyyəsində açır.

Teleqraf.com "ICTnews"-a istinadən xəbər verir ki, cihaz hətta aktivləşdirilməmiş vəziyyətdə istifadəçinin təhlükədə olduğunu müstəqil müəyyənləşdirə bilir: xüsusi sensor üzgüçünün suyun altında olduğu vaxta nəzarət edir və o, 30 saniyədən sonra suyun üzərinə çıxmadıqda təhlükəsizlik yastıqları açılır. Sözügedən qurğu, həmçinin üzgüçünün problemlə üzləşdiyini və ya sadəcə, suyun altında nəfəsini yaxşı saxladığını müəyyənləşdirə bilir.

İstifadəçilər huşsuz vəziyyətdə olduqda belə "Ploota" cihazı onları suyun üzərinə qaldıracaq və 6 saatadək suyun səthində saxlayacaq.

İndi istənilən şəxs "Kickstarter" platformasında 55 dollar məbləğində olan bu cihazı ilkin sifariş edə bilər.