Türk qırıcıları qanadlandı, PKK vuruldu

Türkiyənin şərqində PKK terror qruplaşmasının 10 silahlısı məhv edilib.

Teleqraf.com-un məlumatına görə, bu barədə Van qubernatorunun administrasiyasından xəbər verilib.

Xəbərdə bildirilir ki, terrorçuların mövqeləri pilotsuz uçuş aparatı ilə müəyyən edilib. Bundan sonra Hərbi Hava Qüvvələri Van vilayətinin şərqindəki Koruklu kəndində PKK silahlı qruplaşmasına zərbələr endiriblər.

Əməliyyat zamanı "F-16" təyyarələrindən istifadə edilib. Məlumata görə, PKK silahlıları yeni terror aktı planlaşdırırmış.