Mikayıl Cabbarov "Hilton" otelinə niyə gəldi?

“Hilton” otelində Bakı şəhəri təhsil işçilərinin sentyabr konfransı keçirilir. Konfransda təhsil naziri Mikayıl Cabbarov, nazirliyin digər nümayəndələri, Bakı şəhəri üzrə Təhsil İdarəsinin rəhbərliyi və əməkdaşları, məktəb direktorları, qabaqcıl müəllimlər və digər qonaqlar iştirak edirlər.

Konfransda Bakı şəhəri üzrə Təhsil İdarəsinin müdir əvəzi Elnur Əliyevin hesabat çıxışı dinlənilib.
Həmçinin, Texniki Humanitar Liseyin direktoru Səidə Zeynalovanın “Təhsil strategiyası və təlimlər”, 182 saylı məktəbin ibtidai sinif müəlliməsi Aygün Kərimovanın “Müəllimlərin işə qəbulu müsabiqəsi və sınaq qiymətləndirmə”, 193 saylı orta məktəbin direktoru Rəhim Hüseynovun isə “Təhsildə kurikulumun tətbiqi” mövzularında çıxışı gözlənilir.

NİGAR

QEYD: “Gündəlik Teleqraf” MMC-yə daxil olmayan media qurumlarının istinadla, yaxud istinadsız bu linkdəki yazı, foto və videoları tam, qismən və ya dəyişdirilmiş şəkildə yaymasına icazə verilmir. Müəllif hüquqları pozulacağı halda, məhkəməyə müracət edəcəyik.