Bakıda bahalı avtomobil paytaxtın mərkəzini iflic etdi

Bir qədər əvvəl Bakının Əziz Əliyev küçəsində "Porsche Cayenne" markalı minik avtomobili yolun hərəkət hissəsində park edilib, bu isə həmin və digər küçələrdə hərəkəti tam iflic edib.

Teleqraf.com xəbər verir ki, bu barədə Bakı Nəqliyyat Agentliyi (BNA) məlumat yayıb.

Onun sözlərinə görə, xüsusilə İstiqlaliyyət küçəsindən Neftçilər prospekti istiqamətində hərəkət tamamilə dayanıb, yüzlərlə insan tıxacda qalıb. Agentliyin əməkdaşlarının müdaxiləsi ilə yollarda hərəkət bərpa edilib, yolu bağlamış nəqliyyat vasitəsi qanunvericiliyə uyğun olaraq, mühafizə olunan duracağa aparılıb.