Ağac kəsən şəxs cəzalandırıldı

6 saylı Regional Ekologiya və Təbii Sərvətlər İdarəsinin əməkdaşları tərəfindən İsmayıllı şəhəri M.Orucov 124 ünvanında 12 ədəd müxtəlif cinsli ağacın kəsildiyi aşkar edilib.

ETSN-dən Teleqaf.com-a verilən məlumata görə, araşdırma zamanı ağacların sözügedən ərazinin mülkiyyətçisi İsmayıllı şəhər sakini Nazim Bağıyevin göstərişi ilə kəsildiyi məlum olub, faktla bağlı akt tərtib edilib və təbiətə 7800 manat məbləğində ziyan dəyib.

Məsələyə hüquqi qiymət verilməsi və təqsirkar barəsində qanunamüvafiq tədbirlərin görülməsi üçün toplanmış sənədlər İsmayıllı rayon Prokurorluğuna göndərilib.