1 İyul 2020 20:45
76 720
12 Punto 14 Punto 16 Punto 18 Punto

NASA 10 il ərzində Günəşin yüksək görüntü imkanı olan şəkillərini birləşdirib və 1 saatlıq film olaraq yayımlayıb.

Teleqraf.com xəbər verir ki, filmdə Günəş səthindəki partlayışlar da yer alıb.

NASA tərəfindən 2010-cu ilin fevral ayında başlanan layihə çərçivəsində hər 0.75 saniyədə bir Günəşin 425 milyon fotoşəkli çəkilib.

10 il ərzində çəkilən və cəmi 20 milyon giqabaytlıq foto məlumatı NASA sürətləndirilmiş videoya çevirib.

NASA bu görüntülərlə Günəş haqqında çoxsaylı yeni kəşflərin edilə biləcəyini açıqlayıb. Verilən açıqlamada görüntülərdə bəzən qara kvadratların olduğu və bunların da tutulmalardan qaynaqlandığı ifadə edilib.

NASA yaxın günlərdə Günəşi izləməyə davam edəcəklərini və dünyanın kosmosdakı yeri haqqında daha çox məlumat əldə edəcəklərini vurğulayıb.


Müəllif: Yeganə Oqtayqızı