13 Oktyabr 2022 13:45
361
12 Punto 14 Punto 16 Punto 18 Punto

Mərkəzi icra hakimiyyəti orqanlarının, digər idarəetmə qurumlarının rəhbərlərinin 2022-ci ilin oktyabr ayında şəhər və rayonlarda vətəndaşların qəbulu cədvəlinə uyğun olaraq “Azərsu” ASC-nin sədr müavini Köçərli Həsənov oktyabrın 12-də Mingəçevirdə Mingəçevir şəhəri və Yevlax rayonundan olan vətəndaşları görüşüb.

Teleqraf.com xəbər verir ki, qəbuldan əvvəl “Azərsu”nun sədr müavini Köçərli Həsənov və Mingəçevir Şəhər İcra Hakimiyyətinin başçısı İlham İsmayılov ümummilli lider Heydər Əliyevin abidəsini ziyarət edib, abidə önünə gül dəstəsi düzərək Ulu Öndərin əziz xatirəsinə ehtiramlarını bildiriblər.

Mingəçevir Şəhəri Heydər Əliyev Mərkəzində keçirilən qəbulda Mingəçevir şəhəri və Yevlax rayonundan olan 61 nəfər iştirak edib.

Vətəndaşların müraciətləri içməli su təchizatı və tullantı sularının axıdılması xidmətləri, işə qəbul və digər məsələlərlə bağlı olub. Müraciətlərin qısa müddətdə araşdırılaraq zəruri tədbirlərin görülməsi barədə aidiyyəti struktur bölmələrinin rəhbərlərinə tapşırıqlar verilib.


Müəllif: Teleqraf.com