"General Əliağa Şıxlinski və Çin" mövzusunda elmi-tarixi seminar

Azərbaycan Dillər Universitetində (ADU) "General Əliağa Şıxlinski və Çin" mövzusunda elmi-tarixi seminar keçirilib. Universitetin Çin dili və mədəniyyəti mərkəzinin təşkilatçılığı ilə keçirilən tədbir Azərbaycanın görkəmli generalı Əliağa Şıxlinskinin karyerasının Çin mərhələsindən bəhs edib.

Tədbirdə ADU-nun prorektoru Vazeh Əsgərov, regionşünaslıq və beynəlxalq münasibətlər fakültəsinin dekanı Anar Nağıyev, Azərbaycan Memarlıq və İnşaat Universitetinin dosentı Leyla Hüseynova iştirak ediblər.

Seminarda ADU-nun Çinşünaslıq ixtisası üzrə təhsil alan tələbələri və müəllimlər XX əsrin Çin hərbi tarixinin ən mühüm hadisələri, general Əliağa Şıxlinskinin həyatının müxtəlif dövrləri və hərbi xidmətindən, onun artilleriya elminin nəzəri və təcrübi bazasına verdiyi əvəzsiz töhfələrindən danışıblar.

Seminarda məşhur rejissor Ziya Şıxlinski, Azərbaycan Respublikası Müharibə, Əmək və Silahlı Qüvvələr Veteranları Təşkilatının Bakı şöbəsinin sədri, polkovnik Məhərrəm Cahangirov, Azərbaycan Milli Elmlər Akademiyasının akademiki Teymur Bünyadov general haqqında ətraflı danışıblar.

Nigar