"Xankəndiyə, Xocalıya geri dönəcəyimizə əmin idik" - Gəncəliyev

Biz Xankəndiyə, Xocalıya geri dönəcəyimizə əmin idik. Çünki biz liderin rəhbərliyi altında buna nail olacağımıza inanırdıq.

Teleqraf.com xəbər verir ki, Milli Məclisin bu gün keçirilən iclasında deputat Tural Gəncəliyev deyib.

O qeyd edib ki, Xankəndidə bayrağımızın ucaldılmasının ulu öndər Heydər Əliyevin yüz illiyinin qeyd edilməsi ilə eyni vaxtda baş verməsi olduqca önəmli idi: "Eyni zamanda 1923-cü ildə orada yaradılan qondarma rejimin yüz iliyinin tamamında Xankəndidə bayrağımızın dalğalanması olduqca vacib bir mesaj idi".

Deputat Əli Məsimli isə bildirib ki, Xankəndidə bayrağımızın dalğalanması tarixi hadisə idi.