Dairə seçki komissiyalarının sədrləri üçün müşavirə keçirilir

2024-cü il sentyabr ayının 1-nə təyin edilmiş növbədənkənar parlament seçkiləri ilə bağlı dairə seçki komissiyalarının sədrləri üçün müşavirə keçirilir.

Teleqraf.com xəbər verir ki, Mərkəzi Seçki Komissiyasında (MSK) keçirilən tədbirdə çıxış edən MSK sədri Məzahir Pənahov parlament seçkilərinin əhəmiyyətindən danışıb.

Onun sözlərinə görə, bundan öncə prezident seçkiləri suveren Azərbaycanın bütün ərazilərində keçirildiyindən Zəfər seçkisi adlandırılmışdı.

"Parlament seçkiləri də Azərbaycanın bütün ərazilərində keçiriləcək və olduqca vacib prosesdir", - sədr qeyd edib.