Dövlət Agentliyinin məlumatı: Apelyasiya müraciətləri üçün qəbul başlayır

Məktəbəqədər təhsil müəssisələrinə metodistlərin işə qəbulu müsabiqəsinin müsahibə mərhələsi üzrə apelyasiya müraciətlərinin qəbulu başlayır.

Teleqraf.com xəbər verir ki, bununla bağlı Məktəbəqədər və Ümumitəhsil üzrə Dövlət Agentliyi məlumat yayıb.

Bildirilib ki, namizədlər 21 yanvar saat 11:00-dan 24 yanvar saat 11:00-dək apelyasiya üçün müraciət edə bilərlər: "Apelyasiya müraciətləri müvafiq komissiya tərəfindən araşdırıldıqdan sonra nəticələr namizədlərə SMS bildiriş vasitəsilə göndəriləcək".