“Bitcoin” və Trampı təmsil edən tokenin qiyməti düşdü

“Bitcoin” və digər kriptovalyutaların qiyməti azalıb.

Teleqraf.com xəbər verir ki, “Bitcoin” təxminən 5% azalaraq 102,589 ABŞ dollarına düşüb, “ether” və “XRP” isə müvafiq olaraq 3% və 5% ucuzlaşıb.

“CoinGecko” platformasının məlumatına görə, keçən həftə istifadəyə verilən və ABŞ-nin yeni liderini təmsil edən “TRUMP” tokeni 24 saat ərzində 22%-ə qədər ucuzlaşıb.

Bazar günü ABŞ-nin birinci xanımı Melania Tramp tərəfindən istifadəyə verilən “MELANIA” adlı mem token bir gündə 58% dəyər itirib.

Kripto investorları Trampın Ağ Evə qayıdışını sənaye üçün pozitiv bir an kimi qiymətləndiriblər. Prezident, kriptovalyutaları dəstəkləyən siyasətlərin, o cümlədən uyğunlaşdırıcı tənzimləmə çərçivəsinin və federal “bitcoin” ehtiyatının tətbiqini vəd edib.