Üç ölkə Ukraynaya ordu göndərir – Adları açıqlandı

Yaxın vaxtlarda Ukraynada xarici qoşunlar yerləşdiriləcək.

Teleqraf.com xəbər verir ki, bu barədə Ukrayna Silahlı Qüvvələrinin zabiti Sergey Şakun yerli mətbuata məlumat verib.

“Əminəm ki, yaxın gələcəkdə Ukrayna ərazisində xarici qoşunlar olacaq: istər ingilis, istər fransız, istərsə də polyak olsun. Ukraynanın müttəfiqləri tərəfindən hərbi qüvvələrin cəlb edilməsi məsələsi uzun müddətdir müzakirə edilir. Əvvəllər bəzi insanlar Ukraynanın müttəfiqlərdən F16 döyüş təyyarələri, “Leopard” döyüş tankları və müasir hava hücumundan müdafiə sistemləri alacağına az inanırdılar, amma indi bunlar Müdafiə Qüvvələrinin sərəncamındadır.

Avropa anlayır ki, Ukraynanı müdafiə etmək üçün daha çox silah və canlı qüvvə lazımdır. Ona görə də əminəm ki, bu, yaxın gələcəkdə baş verəcək. Çünki avropalı dostlarımız başa düşürlər ki, moskvalılar sonra onlara da gələcəklər”, - zabit vurğulayıb.

Şakun bildirib ki, Avropadan göndəriləcək qüvvələrin ilk partiyası Belarusla sərhəddə yerləşdiriləcək, ardınca gələnlər isə cəbhədə Ukraynaya yardım edəcəklər.