Bələdiyyə seçkiləri: Lənkəranda seçicilər fəaldırlar

Lənkəranda da bələdiyyə seçkiləri mütəşəkkilliyi ilə seçilir. Rayon üzrə səsvermədə seçici fəallığı müşahidə olunur.

Teleqraf.com-un cənub bürosu xəbər verir ki, Lənkəran rayonundan olan seçicilər şəhər 77 saylı seçki dairəsinin 41 məntəqəsində bələdiyyə seçkiləri seçici aktivliyi ilə nəzərə çarpır. 77 saylı Seçki Dairəsinin 24 saylı məntəqəsində seçicilər daha fəallıq göstərirlər. Məntəqədə şəffaflığın təmin olunması üçün veb-kameralar da quraşdırılıb. Ümumilikdə səsvermənin şəffaf və demokratik keçirilməsi üçün bütün məntəqələrdə lazımi şərait yaradılıb. Hərəkət əngəlli seçicilərin səsvermədə iştirakını təmin etmək məqsədilə daşınan qutular məntəqələrə paylanıb.

Məlumat üçün bildirək ki, 77 saylı Lənkəran Seçki Dairəsində seçkiləri canlı izləmək üçün 13 məntəqədə veb-kameralar quraşdırılıb. Ümumilikdə 77 saylı Lənləran Seçki Dairəsində 47 min 869 nəfərin səsvermədə iştirakı gözlənilir. 77 saylı Seçki Dairəsi üzrə Lənkəran şəhərində 17 yer uğrunda 30 nəfər namizəd mübarizə aparır. Ümumilikdə isə 63 yer uğrunda 113 namizəd mübarizə aparır.