Saat 17:00-a olan seçici fəallığı açıqlandı

Azərbaycanda keçirilən bələdiyyə seçkilərində saat 17:00-a olan seçici fəallığı açıqlanıb.

Teleqraf.com-un məlumatına görə, Mərkəzi Seçki Komissiyası (MSK) Katibliyinin İnformasiya Mərkəzinin müdiri Fərid Orucov bildirib ki, seçici fəallığı bu saatadək 28.77 faiz olub.

O bildirib ki, seçici siyahısında olan 5 milyon 961 min 987 nəfərdən bu ana qədər 1715291 nəfəri səs verib. Qeyd edək ki, bələdiyyə seçkilərinə bu gün saat 08:00-da start verilib. Seçkilər saat 19:00-da başa çatacaq. Bundan əlavə, MSK Katibliyinin İnformasiya Mərkəzi tərəfindən səsvermənin gedişi və nəticələri barədə saat saat 19.00-da ilkin məlumatlar veriləcək. Xatırladaq ki, saat 15:00-dək olan məlumata əsasən, seçici fəallığı 24.71 % (1473005 nəfər) olub.