Bələdiyyə seçkilərində səsvermə başa çatdı

Azərbaycanda keçirilən bələdiyyə seçkilərində səsvermə prosesi başa çatıb.

Teleqraf.com xəbər verir ki, hazırda məntəqələrdə səslərin sayılmasına başlanılır.

08:00-da start götürən seçkilərin nəticələri yaxın saatlarda açıqlanacağı gözlənilir.

Qeyd edək ki, 118 seçki dairəsini əhatə edən 685 bələdiyyə üzrə 8 071 bələdiyyə üzvü seçiləcək.

Seçkilərdə ümumilikdə 16 min 96 namizəd mübarizə aparıb. Onlardan 8504 nəfəri 24 siyasi partiyanın üzvüdür.

Xatırladaq ki, Azərbaycanda bələdiyyə seçkilərində 5 milyon 961 min 987 nəfər səsvermə hüququna malikdir.

Əlavə edək ki, son bələdiyyə seçkiləri 2019-cu il dekabrın 23-də keçirilib.