Qəzaya uğrayan təyyarədə idmançılar da olub

ABŞ-da qəzaya uğrayan təyyarənin göyərtəsində ən azı 14 idmançı olub.

Teleqraf.com xəbər verir ki, bu barədə fiqurlu konkisürən Con Maravilla açıqlama verib.

“Özümü məhv olmuş kimi hiss edirəm, bu ağlasığmazdır. Xoşbəxtlikdən bu, mənim təyyarəm deyildi, amma mən o təyyarədə olan bir neçə konkisürənləri, məşqçiləri və ailələri tanıyıram... Adlarını çəkmək istəmirəm, amma onların valideynlərini saymasaq, təyyarədə 14-ə yaxın konkisürən və bir neçə məşqçi var idi", - deyə amerikalı idmançı bildirib.

Qeyd edək ki, ötən həftə Uiçito şəhərində fiqurlu konkisürmə üzrə ABŞ çempionatı keçirilib. Bu gün Uiçitodan havaya qalxan "American Airlines"ın 5342 saylı reysi Vaşinqton yaxınlığında qəzaya uğrayıb. Təyyarə uçuş-eniş zolağında hərbi helikopterlə toqquşub.