Bakıda bir gecədə iki ev yandı

Bakıda bir gecədə iki ev yanıb.

Fövqəladə Hallar Nazirliyindən (FHN) Teleqraf.com-a verilən məlumata görə, Bakının Xəzər rayonunda ümumi sahəsi 70 kv.m olan birmərtəbəli 4 otaqlı evin 1 otağının yanar konstruksiyaları və dam örtüyü 64 kv.m sahədə yanıb.

Evin qalan hissəsi yanğından mühafizə olunub. Yanğın saat 22:18-də yanğınsöndürənlər tərəfindən söndürülüb.

Bakının Sabunçu rayonunda da ümumi sahəsi 80 kv.m olan birmərtəbəli 3 otaqlı evin 2 otağının, yanar konstruksiyaları və dam örtüyü 40 kv.m sahədə yanıb.

Evin qalan hissəsi yanğından mühafizə olunub. Yanğın saat 23:45-də yanğınsöndürənlər tərəfindən söndürülüb.