Bakıda 20 yaşlı oğlan 7 yaşlı uşağı öldürmək istədi – Cinayət işi

Bakıda 7 yaşlı uşağı öldürməyə cəhd etməkdə təqsirli bilinən 1998-ci il təvəllüdlü Mövsüm Bağırovun cinayət işi üzrə məhkəmə prosesi keçirilib.

Teleqraf.com xəbər verir ki, bu gün Bakı Ağır Cinayətlər Məhkəməsində hakim Azər Paşayevin sədrliyi ilə baş tutan prosesdə Mövsüm Bağırovun hadisəni anlaqsız vəziyyətdə törətdiyi məlum olub.

Bu səbəbdən onun barəsində yenidən tibbi-ekspertiza təyin edilib. O, müayinəyə göndərilib.

Bu səbəbdən proses qeyri-müəyyən vaxtadək təxirə salınıb.

İttihama görə, Xəzər rayonunda Mövsüm Bağırov qonşuluqda yaşayan 7 yaşlı uşağın başına daş çırparaq öldürməyə cəhd edib.

Yaralı uşaq xəstəxanaya çatdırılıb, onun həyatını xilas etmək mümkün olub.

Hadisəyə səbəb uşağın Mövsüm Bağırovun yanında partladan atması olub.

İstintaq orqanı tərəfindən Mövsüm Bağırovun barəsində Cinayət Məcəlləsinin 29,120-ci (qəsdən adam öldürməyə cəhd) maddəsi ilə ittiham elan edilib.