“Amburan Mall”da “CinemaPlus” kinoteatrı açıldı

Bilgəh qəsəbəsində yerləşən “Amburan Mall” ticarət mərkəzinin birinci mərtəbəsində müasir premium kinoteatr “CinemaPlus” Amburanın təntənəli açılışı keçirilib.

“CinemaPlus” kinoteatrlar şəbəkəsindən AZƏRTAC-a bildirilib ki, şou biznes ulduzları, jurnalistlər, bloqqerlər, sahibkarlar və iri şirkətlərin rəhbərləri açıq səma altında keçirilmiş möhtəşəm açılış mərasiminin qonağı olublar.

Tədbirdə iştirak edən “CinemaPlus” kinoteatrlar şəbəkəsinin baş direktoru Zaur Darabzadə və “Amburan Mall” ticarət mərkəzinin baş meneceri Rəcəb Babayev qonaqları salamlayıb və kinoteatrın açılışı münasibətilə hər kəsi təbrik ediblər.

“CinemaPlus” “Amburan Mall”da dünya standartlarına cavab verən 3 zal var. Zallar ispan istehsalı olan yüksək səviyyəli rahat kreslolarla təchiz olunub. Bundan başqa “CinemaPlus” “Amburan Mall” kinoteatrında Master İmage 3D texnologiyası tətbiq edilir.