“Vurğuna vurğun gəlin” nümayiş olunacaq

Azərbaycan Dövlət Gənc Tamaşaçılar Teatrında növbəti tamaşanın hazırlıqlarına start verilib.

Teleqraf.com xəbər verir ki, məlumatına görə, yeni tamaşa teatrın aktrisası, əməkdar artist Lətifə Əliyevanın 70 illik yubileyi münasibətilə hazırlanır.

Səməd Vurğun mükafatı laureatı Zaməddin Ziyadoğlunun görkəmli Azərbaycan şairi Səməd Vurğunun xatirəsinə həsr etdiyi “Vurğuna vurğun gəlin” pyesi əsasında hazırlanan eyniadlı tamaşanın quruluşçu rejissoru Gülnar Hacıyevadır.

Yeni səhnə əsəri yaxın günlərdə teatrın kiçik səhnəsində nümayiş etdiriləcək.