Tanınmış aktrisa: Heyf, belə gözəl qadın ölür…

Teleqraf.com-un “Ölümqabağı” layihəsinin budəfəki qonağı gənc və tanınmış aktrisa Asya Atakişiyevadır.

Yaxında öləcəyinizi bilsəydiniz, son dəfə:

- …nə düşünərdiniz?

- Heyf, belə gənc və gözəl qadın ölür…

- … hansı yeməyi yeyib hansı içkini içərdiniz?

- Süd içərdim. Yemək barədə düşünməzdim.

- …kiminlə görüşmək istəyərdiniz?

- O an ilk ağlıma gələn insanla.

- …hansı ölkəyə getmək istərdiniz?

- Bilmirəm…

- …kimi öpərdiniz?

- Bütün doğmalarımı… Bir-bir…

- …hansı kitabı oxuyardınız?

- Daha heç bir kitabı oxumazdım.

- …hansı musiqiyə qulaq asardınız?

- Təbiətin səsini dinləyərdim. Külək əsərsə, küləyin, yağış yağarsa yağışın səsini…

- …kimə və nə hədiyyə alardınız?

- Öz sevimli əşyalarımı bağışlayardım doğmalarıma…

- …hansı filmə baxardınız?

- Filmə baxmazdım. Pəncərədən baxardım.

- Son 3 kəlməniz nə olardı?

- Allah, günahlarımdan keç!

…Öləcəyimi bilsəydim bu suallara da cavab verməzdim…