Kruz 80 yaşına kimi o filmdə oynayacağını açıqladı

Aktyor Tom Kruz “Indiana Jones: Wheel of Fate” filmində Harrison Fordun aktyorluq bacarığına heyran olub.

Teleqraf.com “The Sydney Morning Herald” nəşrinə istinadən xəbər verir.

61 yaşlı Kruz 80 yaşlı Ford kimi filmlərdə rol almağa çalışacağına söz verib. O, 80 yaşına qədər “Mümkün olmayan missiya” franşizasında çəkilişləri davam etdirmək niyyətindədir.

"Harrison Ford əfsanədir. Ümid edirəm ki, hələ də çəkiləcək. Mənim ona yetişmək üçün 20 ilim var. Mən onun yaşına çatana qədər “Mümkün olmayan missiya” filmlərində rol almağa davam etmək niyyətindəyəm”, - deyə aktyor bildirib.

Qeyd edək ki, “Mümkün olmayan missiya: Ölümcül hesablaşma. Birinci hissə” filminin dünya premyerası 12 iyulda olacaq. Həmin filmdə Tom Kruz təhlükəli fəndləri kaskadyorların köməyi olmadan həyata keçirib.

Aktyor dağlardan təhlükəli paraşütlə enişin videosunu nümayiş etdirib. O kamera obyektivinə düşmək üçün 80 km/saat sürətlə uçmalı və müəyyən bir nöqtəyə enməli idi.