Ədəbiyyat üzrə Nobel mükafatçısı öldü

Ədəbiyyat üzrə Nobel mükafatı laureatı, kanadalı yazıçı Elis Munro 93 yaşında vəfat edib.

Teleqraf.com xəbər verir ki, bu barədə “Globe and Mail” nəşri onun yaxınlarına istinadən məlumat yayıb.

Məlumata görə, yazıçı 10 il demensiyadan əziyyət çəkib. Munronun Kanadanın Ontario əyalətindəki qocalar evində vəfat etdiyi bildirilir.

Qeyd edək ki, o, Britaniya Kolumbiyası və Kvinslend Universitetlərində ədəbiyyatdan dərs deyib. 2009-cu ildə yazıçı məcmu nailiyyətlərinə görə Beynəlxalq “Buker” mükafatını qazanıb və dörd il sonra “müasir qısa hekayənin ustası” kimi Ədəbiyyat üzrə Nobel mükafatına layiq görülüb.