Ruhaninin Rusiyaya səfər tarixi bəlli oldu

İran Prezidenti Həsən Ruhaninin Rusiyaya səfər tarixi açıqlanıb.

Teleqraf.com Kremlin mətbuat xidmətinə istinadən məlumat verir ki, H.Ruhani martın 27-28-də Rusiyada rəsmi səfərdə olacaq.

İran prezidenti martın 28-də rusiyalı həmkarı Vladimir Putinlə görüşəcək. Görüşdə iki ölkənin energetika və nəqliyyat infrastrukturu sahələrində birgə layihələri müzakirə ediləcək.

Danışıqların yekunu üzrə bir sıra ikitərəfli sənədlərin imzalanacağı gözlənilir.