İsrail PUA-ları Beyrut üzərində göründü

İsrail Hərbi Hava Qüvvələrinə məxsus pilotsuz uçuş aparatları (PUA) ilk dəfə Livan və İsrail arasında atəşkəs elan edildikdən sonra Livan paytaxtının mərkəzi və cənub bölgələri üzərində səmada peyda olub.

Teleqraf.com xəbər verir ki, bu barədə "TASS"a mülki müdafiə xidmətindəki mənbədən məlumat verilib.

"Dronlar hökumət sarayının yerləşdiyi Riad Solha meydanı, Verdun və Hamra ticarət küçələri üzərində müşahidə edilib", - agentliyin mənbəsi bildirib.

Mənbənin məlumatına görə, İsrail pilotsuz təyyarələri Korniş-Mazra, Mseitbe və Cnah şəhərinin cənub ətrafı əraziləri üzərində kəşfiyyat uçuşları davam etdirir.