Rusiya miqrantlara yeni məhdudiyyət qoydu

Rusiyanın bir sıra regionlarında dekabrın 1-dən Rusiyaya gələn əcnəbilərdən və vətəndaşlığı olmayan şəxslərdən biometrik məlumatların məcburi toplanması üzrə eksperimentə başlanılacaq.

Teleqraf.com xəbər verir ki, qərar hüquqi aktların rəsmi portalında yerləşdirilib.

2025-ci il iyunun 1-dək davam edəcək birinci mərhələdə eksperiment Moskva nəqliyyat qovşağının hava limanlarında - Şeremetyevo, Vnukovo, Domodedovo və Jukovski, eləcə də Orenburq vilayətinin Maştakovo avtomobil keçid məntəqəsində aparılacaq.

Qərara görə, Rusiyaya gələn miqrantlar biometrik məlumatları - üz şəklini və barmaq izlərini təqdim etməlidirlər.