293 nəfər saxlanıldı, 143 polis yaralandı - Tbilisidə gərginlik

Tbilisidə keçirilən aksiyalarda 293 nəfər saxlanılıb.

Teleqraf.com xəbər verir ki, bu barədə Gürcüstanın daxili işlər nazirinin müavini Aleksandre Daraxvelidze keçirdiyi brifinqdə bildirib.

Onun sözlərinə görə, saxlanılan şəxslərin 108-i barəsində inzibati işlər Tbilisi şəhər məhkəməsinə təqdim olunub.

Nazir müavini qeyd edib ki, 89 nəfərin işi yekunlaşdırılıb, onlardan 43-nə cərimələr tətbiq olunub.

A.Daraxvelidze etirazlar zamanı 143 polis əməkdaşının xəsarət aldığını da bildirib.

“Onlardan bəzilərinə əməliyyat tələb olunub. Üçünün müalicəsi isə davam etdirilir”, - o deyib.