Robert O'Brayen: "Danimarka ABŞ-a Qrenlandiyanı almaq icazəsi verməlidir"

ABŞ-ın yeni seçilmiş prezidenti Donald Trampın milli təhlükəsizlik üzrə keçmiş müşaviri Robert O'Brayen deyib ki, Danimarka Qrenlandiyanı müdafiə edə bilməsə, Vaşinqtona "almağa" icazə verməlidir, çünki muxtariyyət gələcək Arktika yarışında mühüm rol oynayacaq.

Teleqraf.com xəbər verir ki, onun sözlərini "Fox News" sitat gətirir.

O'Brien Qrenlandiyanı "Arktikadan Şimali Amerikaya gedən magistral" adlandırıb və qeyd edib ki, Danimarka Krallığının bir hissəsi olan muxtariyyət önümüzdəki illərdə iqlim istiləşdikcə daha çox əhəmiyyət kəsb edəcək.

“Ruslar və çinlilər Arktikada hər yerdədir. Danimarka Krallığı Qrenlandiyaya sahibdir və onların Qrenlandiyanı müdafiə etmək öhdəliyi var. Danimarka hazırda Rusiya və Çinə qarşı müharibənin ön cəbhəsindədir. Buna görə də onlar Qrenlandiyanı müdafiə etməlidirlər”, - o vurğulayıb.

Onun sözlərinə görə, Danimarka Qrenlandiyanı müdafiə edə bilməsə, Birləşmiş Ştatlar bunu etməli olacaq və bunu “pulsuz etməyəcək”.