İsrailin Qəzzaya endirdiyi zərbələr nəticəsində 20 nəfər öldü

İsrailin Qəzza zolağının müxtəlif bölgələrinə endirdiyi hava zərbələri nəticəsində azı 20 fələstinli ölüb.

Teleqraf.com xəbər verir ki, bu barədə Sinxua agentliyinə Mülki Müdafiə sözçüsü Mahmud Basal məlumat verib.

Onu bildirib ki, təkcə İsrailin Cəbəliyada köçkünlərin yaşadığı məktəbi bombalaması nəticəsində ikisi uşaq olmaqla 8 fələstinli həlak olub, 19-u uşaq olmaqla 30-dan çox adam yaralanıb.

Şucayyə və Əl-Rimal məhəlləsindəki evlərə atılan bombalar beş nəfərin ölümünə səbəb olub. Əl-Nəfəq küçəsində vətəndaşların toplaşdığı yerə endirilən hava zərbələrində isə 4 nəfər həlak olub.