Bu ölkə Suriyanın bərpasına və Rusiyanın təsirini azaltmağa kömək etməlidir - “The Hill”

Bəşər Əsədin devrilməsi ABŞ-yə Yaxın Şərqdə güc balansını bombalarla deyil, ticarətlə dəyişmək üçün unikal imkan yaradır.

Teleqraf.com xəbər verir ki, bu barədə “The Hill” qəzeti yazır.

“Əgər Suriya siyasətçiləri Amerika biznesləri və digər tərəfdaşları ilə ağıllı və strateji işləyə bilsələr, Birləşmiş Ştatlar Suriyada Rusiyanın təsirini və Vladimir Putinin gücünü Yaxın Şərq, Avropa və Afrikaya yönəltmək planlarını zəiflədə bilər”, - mətndə deyilir.

Müəlliflər hesab edirlər ki, ABŞ indi hərəkətə keçməlidir, çünki Rusiyanın Suriyada mövqelərinin zəifləməsinə baxmayaraq, o, öz mövqelərini gücləndirmək üçün səylərini ikiqat artıracaq.

2024-cü ilin noyabrın 28-də Suriya müxalifətinin silahlı dəstələri Hələb vilayətinin qərb rayonlarında hökumət qüvvələrinə qarşı irimiqyaslı hücuma başlayıb. Nəticədə Hələb, Homs, Həma və Dəməşq şəhərlərini nəzarətə götürüblər. Suriya ordusu komandanlığı Əsədin hakimiyyətinin “bitdiyini” bəyan edib.