Mark Zukerberq "Apple"ı tənqid etdi - "Geridə qalıblar"

“META” şirkətinin baş direktoru Mark Zukerberq "Apple"ı tənqid edib.

Teleqraf.com xəbər verir ki, bu barədə Zukerberq aparıcı Co Roqanın podkastında danışıb.

Söhbət zamanı Roqan bir şirkətdən asılı olmaq istəmədiyi üçün "iPhone"dan "Android"ə keçdiyini açıqlayıb. O, həmçinin "Apple"ın 30 faiz komissiyasını "dəlilik" hesab etdiyini deyib. Zukerberq onunla razılaşıb.

O qeyd edib ki, qapalı ekosistem xüsusilə "AirPods" kimi məhsullarda rəqabəti məhdudlaşdırır və istifadəçiləri daha da yaxşı cihazlardan məhrum edir.

Milyarder həmçinin şirkətin innovativ məhsulların buraxılması baxımından çox geridə qaldığını deyib.