Azərbaycan millisinin üzvü klubunu dəyişdi

Azərbaycan milli komandasının yarımmüdafiəçisi Emil Mustafayev Ukraynada klubunu dəyişib.

Teleqraf.com xəbər verir ki, 23 yaşlı futbolçu "Polessye"dən "Çernomorets"ə keçib. Bu barədə Ukraynanın "football24" nəşri məlumat yayıb. O, yeni klubunda mövsümün sonuna qədər icarə əsasında çıxış edəcək.

"Çernomorets" Emillə yanaşı, "Polessye"dən Boqdan Pançinişi də icarəyə götürüb. Emilin müqaviləsində satınalma bəndi yoxdur.

"Çernomorets" Ukryna Premyer Liqasında 17 turdan sonra 12 xalla 15-ci pillədə yer alıb.

Qeyd edək ki, Emil Mustafayev 2023-cü il iyulundan "Polessye"də çıxış edir. Onun klubu ilə müqaviləsi 2027-ci il iyununa qədərdir.