Ançelotti "Real Madrid"i nə vaxt tərk edəcək?

Karlo Ançelotti İspaniyanın "Real Madrid" futbol komandasının baş məşqçi postunu mövsümün sonunda tərk edəcək.

Teleqraf.com-un "Onda Cero" nəşrinə istinadən məlumatına görə, italiyalı mütəxəssis "kral klubu" kuboklar qazanacağı təqdirdə də fikrini dəyişməyəcək.

Onun hazırkı müqaviləsi 2026-cı ilin yayınadək nəzərdə tutulub. Ançelotti 2021-ci ildən rəhbərlik etdiyi "Real Madrid"ə 2 dəfə İspaniya çempionluğu, eləcə də Çempionlar Liqası, UEFA Super Kuboku və klublararası dünya çempionluğu qazandırıb.

Qeyd edək ki, əvvəllər Karlo Ançelotti İtaliyada "Recana", "Parma", "Yuventus", "Milan" və "Napoli", İngiltərədə "Çelsi" və "Everton", Fransada PSJ və Almaniyada "Bavariya"nın baş məşqçisi olub.