Konyada çökən binanın dağıntıları altından iki nəfərin cəsədi tapıldı - Yeniləndi

Türkiyənin Konya şəhərində çökən dördmərtəbəli binanın dağıntıları altından daha bir nəfərin cəsədi tapılıb.

Teleqraf.com Türkiyə mediasına istinadən xəbər verir ki, bununla da hadisə nəticəsində ölənlərin sayı iki nəfərə çatıb.

***

13:34

Türkiyənin Konya şəhərində çökən yaşayış binasının dağıntıları altından bir nəfərin cəsədi tapılıb, beş nəfər isə sağ olaraq çıxarılıb.

Teleqraf.com xəbər verir ki, bölgədə axtarış-xilasetmə işləri təxminən 12 saatdır fasiləsiz davam edir.

Axtarışlara AFAD qrupları, yanğınsöndürmə və 112 ilkin təcili-tibbi müdaxilə heyətləri ilə yanaşı, xüsusi təlim keçmiş itlər də cəlb edilib.

Xatırladaq ki, çökmə ilə bağlı ilkin məlumat dünən yerli vaxtla saat 20:05-də daxil olub. Saat 20:15-dən etibarən axtarış-xilasetmə işləri başladılıb.