"ABŞ məni satın ala bilməyəcək" - Lukaşenko

ABŞ Minski satın almayacaq, Belarus isə heç vaxt Çin əleyhinə siyasət aparmayacaq.

Teleqraf.com xəbər verir ki, bunu Belarus prezidenti Aleksandr Lukaşenko deyib.

"Niyə bu gün Çinə qarşı mübarizə aparmalıyıq və Çin xalqına, Çin rəhbərliyinə qarşı bir növ siyasət aparmalıyıq? Bu heç vaxt olmayacaq və ABŞ məni satın almayacaq”.

Bundan əvvəl o, Belarusun Qərb ölkələri, o cümlədən ABŞ ilə Minski maraqlandıran sahələr üzrə dialoq apardığını və razılıq əldə olunarsa, tərəflərin əməkdaşlıq edəcəyini bildirib.

Lukaşenko qeyd edib ki, Belarus iqtisadi əlaqələri əsasən Şərqdə inkişaf etdirir, lakin Qərb ölkələrində Minsklə əməkdaşlıqda maraqlı olan işgüzar dairələr var.