Yaponiya ABŞ-yə Ukrayna məsələsində kömək etməlidir - Muneo Suzuki

"Yaponiya hakimiyyəti ABŞ lideri Donald Trampın Ukraynada atəşkəslə bağlı təklifinə qoşulmalıdır".

Teleqraf.com "TASS"-a istinadən xəbər verir ki, bunu Yaponiya parlamentinin yuxarı palatasının üzvü Muneo Suzuki Yaponiyanın baş naziri Şiqeru İşiba ilə görüşü zamanı deyib.

Deputatın sözlərinə görə, Yaponiya G7-dən Ukrayna tərəfini silahla təmin etməyən yeganə ölkədir.

“Mən yanvarın 15-də baş nazir İşiba ilə görüşəndə ​​ona dedim ki, Yaponiya Trampın atəşkəs təklifinə qoşulmalıdır".

O bildirib ki, baş nazir onun mövqeyi ilə razılaşıb və bunun ən yaxşı variant olacağını təsdiqləyib.