Belarusda prezident seçkilərində seçici fəallığı açıqlandı - YENİLƏNDİ

Belarusda prezident seçkiləri baş tutmuş elan edilib.

Teleqraf.com "TASS"-a istinadən xəbər verir ki, bunu Belarus Mərkəzi Seçki Komissiyasının sədr müavini Aleksey Başan deyib.

Mərkəzi Seçki Komissiyasının məlumatına görə, saat 13:00-a olan məlumata görə seçici fəallığı 56,64% təşkil edib.

Bu gün Belarusda prezident seçkiləri keçirilir. Saat 8:00-dan 20:00-dək açıq olacaq seçki məntəqələri panik düymələri və videomüşahidə sistemləri ilə təchiz olunub.

***

Belarusda prezident seçkiləri üçün seçki məntəqələri açılıb.

Teleqraf.com xəbər verir ki, bu barədə BELTA məlumat yayıb.

"Ölkə üzrə səsvermə məntəqələri səhər saat 8:00-da açılıb", - agentliyin açıqlamasında deyilir.

Belarusda 5325 seçki məntəqəsi, o cümlədən bir sıra sosial obyektlərdə: xəstəxanalarda, sanatoriyalarda, istirahət evlərində yaradılıb. Qərb ölkələri ilə münasibətlərin pisləşməsi fonunda dövlət üçüncü ölkələrdə seçki məntəqələri təşkil etməyib.