Pentaqonun üç əsas prioriteti bunlar olacaq - ABŞ-nin yeni müdafiə naziri

Pentaqonun əsas prioritetləri hərbiçilərin əhval-ruhiyyəsinin bərpası, ordunun modernləşdirilməsi və təhdidlərin qarşısının alınmasını gücləndirmək olacaq.

Teleqraf.com xəbər verir ki, bunu ABŞ-nin yeni müdafiə naziri Pit Heqset ölkənin Silahlı Qüvvələrinə ilk müraciətində bildirib.

“Prezident bizə aydın bir missiya qoydu: güc vasitəsilə sülhə nail olmaq. Biz bunu üç yolla edəcəyik. Ordumuzda əhval-ruhiyyə və inamı bərpa etmək, silahlı qüvvələrimizi müasirləşdirmək və təhdidlərin qarşısının alınmasını gücləndirməklə edəcəyik”, - mesajda deyilir.

Heqset xidmət standartlarını yüksəltmək və ordunun birliyini gücləndirmək niyyətində olduğunu bildirib. Katib həmçinin müdafiə sənayesində islahatlar aparacağını, satınalma sistemlərinin sadələşdirilməsini və yeni texnologiyaların tətbiqini sürətləndirəcəyini vəd edib.

“Biz kommunist Çinin Hind-Sakit okean regionunda təcavüzünün qarşısını almaq üçün müttəfiqlər və tərəfdaşlarla işləyəcəyik”, - bəyanatda deyilir.

Pentaqon rəhbəri əlavə edib ki, ordu ABŞ prezidenti Donald Trampın müharibələrə son qoymaq kursunu dəstəkləyəcək.