Tramp prezident kimi gedəcəyi ilk ölkəni açıqladı

ABŞ Prezidenti Donald Tramp vəzifəyə gəldikdən sonra ilk xarici səfərinin Səudiyyə Ərəbistanı və ya Böyük Britaniya olacağını deyib.

Teleqraf.com xəbər verir ki, bu barədə TASS məlumat yayıb.

“Bu, ya Səudiyyə Ərəbistanı, ya da Böyük Britaniya ola bilər. Ənənəvi olaraq Böyük Britaniya olacağını güman edirəm”, – Ağ Evin rəhbəri bildirib.

ABŞ lideri birinci prezidentlik dövründə ilk getdiyi ölkənin Səudiyyə Ərəbistanı olduğunu xatırladıb.