Çalışdığı Berkli Universiteti Zadə haqda xəbər yaydı

Lütfi Zadə bir çoxunun həyatına təsir göstərərək elmi və texnoloji sahələrə böyük töhfə verib.

Teleqraf.com xəbər verir ki, bu fikirlər Kaliforniyanın Berkli Universitetinin Azərbaycanın dünya şöhrətli alimi Lütfi Zadənin vəfatı ilə bağlı yaydığı xəbərdə öz əksini tapıb.

Lütfi Zadənin çalışdığı universitet qeyri-səlis məntiq nəzəriyyəsinin atası kimi tanınan professorun sentyabrın 6-da dünyasını dəyişdiyini yazıb. Lütfi Zadənin qeyri-səlis çoxluq, qeyri-səlis məntiq, qeyri-səlis hesablama, Z-çevirmə kimi elmi nəzəriyyələrin qurucusu olduğu vurğulanıb. Bir çox nüfuzlu mükafatlar qazanan Lütfi Zadənin doğulduğu Bakıda torpağa tapşırılacağı qeyd olunub. ABŞ-da xatirə tədbirlərinin keçiriləcəyi bildirilir.