Dağıntılar altında qalan tələbələrlə bağlı - Son xəbər

Dağıntılar altında qalan Malatya İnönü Universitetinin tələbəsi Gündüz Nəzərzadənin qardaşı Arzuman Nəzərzadə Şahin Vəliyevin meyitinin dağıntılar altından çıxarılması barədə yayılan xəbəri təkzib edib.

Arzuman Nəzərzadə Teleqraf.com-a açıqlamasında qardaşı ilə yanaşı Şahin Vəliyev və digər iki tələbənin axtarışlarının hələ də davam etdiyini söyləyib.

***

Türkiyənin Malatya şəhərində azərbaycanlı tələbə Şahin Vəliyevin cəsədi dağıntılar altından çıxarılıb.

Teleqraf.com xəbər verir ki, bu barədə Malatya İnönü Universitetinin müəllimi Hülya Berktaş Bingöl sosial mediada məlumat yayıb.

"Azərbaycanlı tələbəm Şahin Vəliyevin cansız bədəni dağıntılar altından çıxarıldı. Allah rəhmət eləsin, məkanı cənnət olsun, inşallah. Vay aslanım, vay igidim, övladım...", - deyə Bingöl qeyd edib.

Xatırladaq ki, Şahin Vəliyev Malatya İnönü Universitetində təhsil alan Gündüz Nəzərzadə, Samir Quliyev və Hümam İsmayıllı ilə bir evdə qalırmış. Tələbələrin qaldığı bina zəlzələ nəticəsində dağılıb.