“Azərbaycan ordusu istənilən an...” – Vartanov

Azərbaycan ordusu istənilən vaxt Ermənistana qarşı aktiv döyüş əməliyyatlarına başlaya bilər.

Teleqraf.com xəbər verir ki, bunu Ermənistanda fəaliyyət göstərən VOMA radikal silahlı qruplaşmasının lideri Vova Vartanov deyib.

Onun sözlərinə görə, bu, beynəlxalq aləmdə vəziyyətin dəyişməsindən asılıdır.

Vartanov qeyd edib ki, Türkiyə-Azərbaycan hərbi təlimləri bu iki ölkənin Ermənistana hücum edəcəyi anlamına gəlmir:

“Bu, sadəcə təcrübə mübadiləsidir. Bir ordunun ayrı-ayrı qoşunları və bölmələri arasında və ya döyüş əməliyyatları zamanı bir-birləri ilə qarşılıqlı əlaqədə olacaq bölmələr arasında təlimlər vacibdir. Azərbaycan 2023-cü ildə 40-a yaxın belə hərbi təlim keçirib”.