Türkiyədə parlament seçkiləri "Azerspace-1" peyki vasitəsilə yayımlandı

Türkiyə Böyük Millət Məclisinə keçirilən seçkilər "Azerspace-1" peykinin resurslarından istifadə olunaraq yayımlanıb.

"Azərkosmos" ASC-dən Teleqraf.com-a verilən məlumata görə, iyunun 7-də Türkiyədə yerli və xarici, o cümlədən beynəlxalq təşkilatları təmsil edən müşahidəçilər və media mənsubları tərəfindən izlənilən parlament seçkiləri günboyu "Azerspace-1" peykinin resurslarından istifadə olunmaqla canlı yayımlanıb.

"Azerspace-1" peykinin resurslarından istifadə edən Türkiyənin ən aparıcı kanalları seçkilərin keçirildiyi müddətdə fasiləsiz və tam keyfiyyətli yayım əldə etdiklərini bildiriblər.