FHN qadağan olunmuş ərazidə mühafizə postu yaratdı

Şüvəlan qəsəbəsində bədbəxt hadisələrin qarşısını almaq üçün Fövqəladə Hallar Nazirliyinin (FHN) mühafizə postu yaradılıb.

Teleqraf.com FHN-nin saytına istinadən xəbər verir ki, Xəzər rayonu, Şüvəlan qəsəbəsində dəniz sahilində çimmək üçün qadağan olunmuş ərazidə bədbəxt hadisələrin qarşısını almaq məqsədi ilə FHN tərəfindən mühafizə postu yaradılıb.

Mühafizəçilər adıçəkilən ərazidə çimməyin təhlükəli olması barədə vətəndaşları məlumatlandırıb və göstərilən əraziyə daxil olmalarının qarşısını alıblar.