Sumqayıtda yataqxana yandı - Ölən və yaralananlar var

Sumqayıt Dövlət Universitetinin tələbə yataqxanasında yanğın olub. Hadisə nəticəsində ölən və yaralananların olduğu bildirilir.

Teleqraf.com Fövqəladə Hallar Nazirliyinə istinadən xəbər verir ki, yanğın şəhərin İsmət Qayıbov küçəsində yerləşən yataqxananın üçüncü mərtəbəsində baş verib. Hadisə yerinə bir neçə yanğınsöndürən maşın cəlb edilib. Yanğın saat 22:20 radələrində yanğınsöndürənlər tərəfindən söndürülüb.

Hadisə nəticəsində ondan artıq şəxsin zəhərlənmə diaqnozu ilə Sumqayıt şəhər Təcili Tibbi Yardım Xəstəxanasına yerləşdirildiyi bildirilir.