Xırdalanda partlayış səsləri eşidildi

Abşeron rayonu, Xırdalan şəhərində yerləşən "Tamstore" mağazasında yanğın olub.

Teleqraf.com xəbər verir ki, bu barədə görüntülər sosial şəbəkələrdə paylaşılıb.

Ərazidə yaşayanlar yanğından əvvəl partlayış səslərini eşitdiklərini qeyd ediblər.

Məsələ ilə bağlı Fövqəladə Hallar Nazirliyindən (FHN) bildirilib ki, hadisə yerinə yanğından mühafizə xidmətinin əməkdaşları cəlb olunublar və yanğın qısa zamanda söndürülüb.